Adoleshentja më e gjatë në botë
24/12/2012 17:25
Adoleshentja më e gjatë në botë
E futur në librin e rekordeve si adoleshentja më e gjatë në botë, Elisany da Cruz Silva ka një ëndërr, të bëhet modele.

Në normat e pasarelave, në mënyrë që të konsiderohesh për të sfiluar, një vajzë duhet të kalojë gjatësinë e 170 apo 175 centimetrave, gjatësi të cilën 17-vjeçarja e ka kaluar që në fëmijërinë e saj të hershme.

Në fakt, braziliania është e gjatë pikërisht 208 centimetra, çka e bën atë adoleshenten më të gjatë të njohur në histori dhe një prej personave më të gjatë që jetojnë në botë.



Pavarësisht anomalisë së saj, Elisany da Cruz Silva, historia e së cilës u publikua të hënën në të përditshmen “Daily Mail”, nuk është e ndryshme nga bashkëmoshataret e saj.



Ajo ka një të dashur 22-vjeçar, të cilin duhet të ulet 40 centimetra për ta puthur dhe një familje të zakonshme, me një motër me parametra normalë, nënën të cilën e ndihmon me punët e shtëpisë dhe një shtëpi, tavanin e së cilës për pak e arrin me kokë.



Shtati i pabesueshëm i 17-vjeçares është shkaktuar nga një tumor në gjendrën e saj të hipofizës, që ndikoi për prodhimin e një sasie të vazhdueshme të hormonit të rritjes.



Kur mjekët zbuluan tumorin e saj dhe e hoqën atë, tashmë ishte tepër vonë për 17-vjeçaren që të ndalonte rritjen.



Sipas mjekëve, deri në një moshë të pjekur, Elisany mund të vazhdojë të rritet edhe disa centimetra.

/ Top Channel


LAJME TE NGJASHME

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 139.4 140
USD 123.4 124
GBP 190 190.7
CHF 128 128.7
TREGJE DHE BURSA
N/A N/A
N/A
N/A
S&P 500 1986.28
-1.38
-0.07%
FTSE 100 6198.13
+6.10
+0.10%
NASDAQ 4806.72
-5.98
-0.12%
FTSE MIB 21942.54
-258.70
-1.17%
CAC 40 4639.08
-19.10
-0.41%
DAX 10223.87
-91.75
-0.89%
HANG SENG 21612.39
-226.15
-1.04%
Nikkei 225 19136.32
+561.88
+3.03%
S&P/ASX 100 4391.60
+23.80
+0.54%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.