Berisha: Tregtia është rritur
12/09/2012
Kryeministri Sali Berisha iu referua deklaratave të dorëzuara nga tregtaret për të dhënë lajmin se tregtia në Shqipëri është rritur me 25.6 për qind në krahasim me vitin e kaluar.

Per Kryeministrin, ky tregues, të cilin tregtarët nuk janë të interesuar ta deklarojnë më shumë sesa realitetin, është dëshmi e rritjes së fuqisë blerëse në vend, në një kohë kur kriza ekonomike europiane vazhdon të jetë kërcënuese. “Nese kemi parasysh se tregtia eshte edhe gjaku i ekonomise, atehere, qarkullimi i gjakut te ekonomise shqiptare eshte ne forme te mire. Pra mund t’ju them se tregtia njeh nje rritje edhe mbi parashikimet. Kjo rritje deshmon nje rritje te qarte te fuqise blerese ne kete vend”, tha Berisha. Por kryeministri Berisha tha se ishte i vetëdijshëm se megjithë rritjen e tregtisë, në vend ka ende qytetarë në nevojë.
Tregtia njeh nje rritje edhe mbi parashikimet. Kjo rritje deshmon nje rritje te qarte te fuqise blerese ne kete vend

Sali Berisha


Megjithatë, sipas Kryeministrit Berisha, Qeveria po vazhdon te tregohet me e ndershme me qytetaret e saj, sesa kreu i opozites Edi Rama, i cili po viziton keto dite biznese te ndryshme, duke vene ne pah veshtiresite e tyre.

“Dua t'i them kryetarit të Partisë Socialiste, se më është dukur i ngratë, kur shkonte tek dyqanet e deputetëve të PS-së në Durrës. Te pakten te zgjidhte biznese te tjera. Une nuk them se nuk ka njerez qe nuk kane para per te blere, ka. Nuk them se nuk ekzistojne lista, ekzitojne. Por ju them se ne po bëjmë gjithçka për punësimin e qytetareve. Në Shqipëri nuk ka rritje të papunësisë në këtë kohë. Në Shqipëri ka rënie progresive të papunësisë, pra ka krijim të vendeve të punës”, tha Berisha.

Duke iu referuar uljes se tarifes se biznesit per mbajtjen e kasave fiskale nga 9600 leke ne 4 mije leke, Kryeministri Berisha vuri ne dukje ato qe i quajti premtime boshe te kreut te opozitës.

“Ne nuk bëjmë premtime boshe. Ne ato qe premtojmë i bëjmë. Se te dalesh para biznesmenit të Partisë dhe të thuash se unë do të të heq taksën dhe pas një minute të thuash nuk do te paguash kaq shume, por do paguash me pak, këto janë dy gjëra te ndryshme”, tha Berisha.
/ Top Channel


LAJME TE NGJASHME

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 138.6 139
USD 123 123.5
GBP 178.5 179
CHF 125.5 126
TREGJE DHE BURSA
N/A N/A
N/A
N/A
S&P 500 1864.78
+35.70
+1.95%
FTSE 100 5707.60
+170.63
+3.08%
NASDAQ 4337.51
+70.67
+1.66%
FTSE MIB 16514.87
+741.87
+4.70%
CAC 40 3995.06
+98.35
+2.52%
DAX 8967.51
+214.64
+2.45%
HANG SENG 18319.58
-226.22
-1.22%
Nikkei 225 14952.61
-760.78
-4.84%
S&P/ASX 100 3955.10
-45.90
-1.15%





Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.