Fundi i pavarësisë së mbikëqyrur
10/09/2012
Fundi i pavarësisë së mbikëqyrur
Në aeroportin ndërkombëtar të Prishtinës “Adem Jashari” kanë filluar të vijnë delegacionet nga shumë vende të botës.

Me rastin e përmbylljes të mbikqyrjes ndërkombëtare të pavarësisë së Kosovës, delegacionet po priten me nderime shtetërore nga Garda Ceremoniale e Forcës së Sigurisë së Kosovës dhe ministri i Jashtem Enver Hoxhaj.Për të gjithë të ftuarit Qeveria e Kosovës ka parashikuar edhe dhurata. Ata do të marrin nga një pajisje për mbushjen e aparateve me rreze diellore.Pajisja është shpikur nga shqiptari Kushtrim Xhakli, dhe kjo dhuratë për këtë ditë ka simbolikën që ata të pavarësohen nga energjia elektrike.

Gjatë pasdites së sotme Grupi Ndërkombëtar Drejtues do të mblidhet në Prishtinë për të marrë vendimin përfundimtar, përmes së cilit Kosova nuk do të ketë më mbikqyrje të pavarësisë.Pas kësaj do të ketë edhe një seancë solemne në Kuvendin e Kosovës, ku përveç drejtuesve të shtetit të Kosovës, kryeministrit Hashim Thaçi dhe presidentes Atifete Jahjaga, fjalë rasti do të mbajë edhe Martti Ahtisaari, e të tjerë që ishin të përfshirë në negociatat e Vienës.Aktivitetet shtetërore me rastin e përmbylljes së mbikëqyrjes do të vazhdojnë edhe ditën e martë.
/ Top Channel



MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.