Rusia hyn në OBT
11/07/2012
Duma apo Dhoma e Ulët e parlamentit rus i dha dritën jeshile hyrjes së vendit në Organizatën Botërore të Tregtisë, një objektiv i hershëm ky i drejtuesve të Kremlinit.

Kur ligji të miratohet edhe nga Dhoma e Lartë dhe presidenti Vladimir Putin ta firmose, 30 ditë pas nënshkrimit Rusia do të bëhet zyrtarisht anëtare e OBT-së. Vendi më i madh i botës do t’i bashkohet kështu klubit që vendos rregullat e tregtisë në nivel global pas një maratone negociatash torturuese 18-vjeçare.

Votimi në Dhomën e Ulët, ku në favor të anëtarësimit pati një mazhorancë prej 30 votash, vulos praktikisht hyrjen e Rusisë në organizatë sipas një marrëveshjeje të arritur dhjetorin e kaluar, e cila e detyron Moskën të reduktojë tarifat e importit e të hapë sektorë kyçe të ekonomisë së saj ndaj investimeve të huaja.

Putin, i zgjedhur në muajin mars në krye të Kremlinit për një mandat të tretë presidencial, është shfaqur i dyzuar në lidhje me këtë hap, por nisi ta shohë më pozivitisht procesin pasi ekonomia ruse u godit rëndë nga recesioni global i viteve 2008-2009.

“Kritikët e hyrjes në OBT thonë se në fillim duhet të vijë modernizimi, pastaj anëtarësimi. Unë mendoj se qeveria e sheh mbase anëtaresimin si një impuls për atë të parin, një shtysë për të modernizuar industrinë ruse që vendasit nuk e arrijnë dot vetë, por mbase detyrimet e jashtme do t’i shtyjnë të kalojnë në veprim”, thotë Maria Lipman, analiste politike.
 
Politikanët rusë që i kundërvihen anëtarësimit mendojnë se ulja e tarifave për disa mallra të importuara nuk krijon mundësi për rifitimin e të ardhurave nga kjo humbje. / Top Channel
LAJME TE NGJASHME

comments powered by Disqus

VLERËSO KËTË LAJM

KRYESORET




SONDAZH

Mendoni se çështja e kufirit detar midis Shqipërisë dhe Greqisë do të zgjidhet:


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 140.7 141.1
USD 127.8 128.3
GBP 195 195.5
CHF 135.8 136.2
TREGJE DHE BURSA
N/A N/A
N/A
N/A
S&P 500 2107.39
-13.40
-0.63%
FTSE 100 6984.43
-56.49
-0.80%
NASDAQ 5070.03
-27.95
-0.55%
FTSE MIB 23495.68
-248.45
-1.05%
CAC 40 5007.89
-129.94
-2.53%
DAX 11413.82
-263.75
-2.26%
HANG SENG 27424.19
-30.12
-0.11%
Nikkei 225 20563.15
+11.69
+0.06%
S&P/ASX 100 4809.20
+55.10
+1.16%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.