Vrasje mafioze në Pejë
06/07/2012
Vrasje mafioze në Pejë
Një vrasje e tipit mafioz ka ndodhur të enjten  në aksin rrugor Pejë – Rugovë. Një person është gjetur i vrarë me armë zjarri në automjetin e tij.

Hetuesit kanë bërë kqyrjen e vendit të ngjarjes dhe inicimin e procedurave të rastit. Sipas hetimeve paraprake viktima  është shtetasi i Kosovës, 31-vjecari Gazmend Beqiri banues në Pejë. Ai po levizte me automjetin e tij Xhip ngjyrë kafe në drejtim të Rugovës, kur i kanë zënë pusi dhe e kanë qëlluar me armë automatike.

Hetuesit kanë mbledhur prova dhe dëshmi nga vendi i ngjarjes të cilat do t’i ekzaminojnë dhe hetimet janë shtrirë në disa pista. Me vendim të Prokurorit te Qarkut-Pejë trupi i pajetë është dërguar në Institutin e Mjekësisë Ligjore në Prishtinë për autopsi.


/ Top Channel



MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.