Kosova marrëveshje me SHBA-në
24/05/2012 02:45
Edhe Kosova, si shtet i ri, u bashkohet shteteve që ndihmojnë në parandalimin e përhapjes së Armëve të Shkatërrimit në Masë.  

Një marrëveshje e tillë u nënshkrua të mërkurën në Prishtinë nga ministri i Jashtëm i Kosovës, Enver Hoxhaj, dhe ambasadori amerikan në Kosovë, Christopher Dell.
 
Sipas Hoxhajt, kjo marrëveshje, e nënshkruar edhe nga shtetet tjera të rajonit, do t’i hapë derën Kosovës për të marrë pjesë në programet amerikane të dizajnuara për të ndihmuar Kosovën në përforcimin e aftësive për të kontrolluar kufijt e vet dhe ndaluar trafikimin illegal të këtyre armëve dhe materialeve që përdoren për ndërtimin e tyre.
             
“Ne e çmojmë shumë gatishmërinë e Shteteve të Bashkuara të Amerikës për të bashkëpunuar me Kosovën edhe në këtë fushë si pjesë e angazhimit të SHBA-ve për paqe, siguri dhe stabilitet në Ballkan. Kjo marrëveshje do të rrisë profesionalizmin dhe efikasitetin e zyrtarëve kufitarë në parandalimin e përhapjes së armëve të shkatërrimit në masë”, tha  Enver Hoxhaj, Ministër i Jashtëm i Kosovës.
 
Për më tepër, sipas shefit të diplomacisë kosovare, kjo marrëveshje do të ndihmojë Kosovën të arrijë standardet ndërkombëtare, sikurse është Rezoluta 15 40 e Këshillit të Sigurimit të OKB-së.
 
Në anën tjetër, ambasadori amerikan, Christopher Dell u shpreh se marrëveshjet e nënshkruara deri më tani ndërmjet SHBA-së dhe Kosovës, janë indikacione të marrëdhënieve të shenjta ndërmjet tyre, të cilat po përforcohen.
             
“Këto dy marrëveshje, së bashku me marrëveshjen për ndihmë bilaterale që e kam nënshkruar më herët, si dhe me marrëveshjen e statusit të forcave që është nënshkruar nga Kryeministri dhe zoti Bërns, gjatë vizitës së tij, që presim të miratohet nga Kuvendi, të gjithë këto janë tregues se marrëdhëniet tona, siç tha edhe ministri i jashtëm, jo vetëm që janë të shenjta, por janë edhe në rritje dhe përforcim e sipër, duke u bërë një partneritet i vërtetë”, tha Christopher Dell, Ambasador i SHBA-ve në Kosovë.
 
Përveç kësaj marrëveshjeje, Hoxhaj dhe Dell nënshkruan edhe një memorandum mirëkuptimi për bashkëpunim në fushën e arsimit, lidhur me programin akademik të shkëmbimit “Fulbright”.
/ Top Channel

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 139.4 139.9
USD 124.7 125.6
GBP 128 128.7
CHF 190 190.7
TREGJE DHE BURSA
N/A N/A
N/A
N/A
S&P 500 1921.22
-29.91
-1.53%
FTSE 100 6042.92
-151.18
-2.44%
NASDAQ 4683.92
-49.58
-1.05%
FTSE MIB 21472.68
-704.69
-3.18%
CAC 40 4523.08
-130.71
-2.81%
DAX 10038.04
-279.80
-2.71%
HANG SENG 20840.61
-94.33
-0.45%
Nikkei 225 17792.16
-390.23
-2.15%
S&P/ASX 100 4207.40
+9.80
+0.23%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.