Pasdite, historia e dhimbshme e Valbonës
15/05/2012 19:50
Emisioni ‘Pasdite në Top Channel’ kishte në fokus historinë e një vajze 19-vjeçare e cila është përzënë nga shtëpia e të dashurit ku jetonte prej 3 muajsh.

Valbona rrëfen: “Historia ime nisi në fund të janarit. Jam njohur me Atlantin në rreth shoqëror në Tiranë sepse ai vazhdon shkollën në universitet privat. Jemi 5 motra dhe një vëlla në shtëpi. Babai im pi alkool e gjithashtu kam një xhaxha dhe një hallë të sëmurë mendorë. Kemi pak të ardhura dhe unë kam punuar që 14 vjeç për të ndihmuar familjen. Punoja në rrobaqepësi dhe shitëse në një librari shkollore sepse jam më e madhja e familjes. Atlantit i tregova historinë time familjare, i erdhi keq për mua dhe më premtoi se do të jetonim të dy bashkë.”

19-vjeçarja u largua kështu nga shtëpia e saj e shkoi të jetonte në shtëpinë e të dashurit: “Më 25 janar u largova nga shtëpia natën pa e biseduar me mamin e motrën. Kisha turp dhe frikë t’ ia tregoja atyre të shtëpisë. Qëndrova në Tiranë me Atlantin e pastaj jetuam në Tropojë tek shtëpia e tij për tre muaj. Atlanti vinte një herë në dy javë sepse vazhdonte shkollën në Tiranë.”

Pikërisht aty filluan problemet e para me vjehrrën: “Pritja në shtëpinë e djalit ishte e ftohtë sepse është normale që nusja e djalit kërkohet më e mira.”



Ky ishte vetëm fillimi. Disa thashetheme që lindën në vendlindjen e Valbonës bënë që historia të mos shkonte më tej: “Lindën disa thashetheme që unë kam qenë e martuar më parë në Burrel dhe se kam një djalë. Gjithashtu dolën fjalë se babai ka abuzuar seksualisht me mua, por asgjë nuk është e vërtetë. Unë kam folur me vjehrrin dhe po të ishin të vërteta do të isha larguar vetë nga shtëpia.”

“Të mërkurën e javës së kaluar vjehrri më tha që të shkojmë në Tiranë dhe do e vendosim vazhdimin e lidhjes me Atlantin, por ai nuk erdhi për tu takuar me ne. Atlanti i tha babait të tij se çdo gjë kishte përfunduar”, shton Valbona, e cila rrëfeu se kishte tentuar edhe vetëvrasjen disa herë.

I kontaktuar nga stafi i ‘Pasdite në Top Channel’, vetë djali deklaroi: “Valbona duhet të më harrojë sepse nuk ka të ardhme me mua. Nuk janë vetëm fjalët e njerëzve pengesë për lidhjen tonë, por shumë gjëra që e bëjnë të pamundur lidhjen tonë. Ajo i di shumë mirë se si kanë shkuar gjërat dhe nuk ka asnjë mundësi tjetër për ne.”



Pasi pa këtë mesazh nga Atlanti, vajza shpërtheu në lot. Valbona deklaroi se Atlanti do të ishte gjithmonë mashkulli i vetëm në jetën e saj dhe për momentin do të kthehej në shtëpinë e prindërve të saj në Burrel.



 
/ Top Channel
LAJME TE NGJASHME

comments powered by Disqus

VLERËSO KËTË LAJM

KRYESORET




SONDAZH

Vizita e kryeministrit serb, Vuçiç në Tiranë, e konfirmuar për më 27 maj, a është një premisë për çtensionimin e marrëdhënieve mes dy vendeve?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 140.7 140.9
USD 126.3 126.6
GBP 197.5 198
CHF 134.8 135.2
TREGJE DHE BURSA
N/A N/A
N/A
N/A
S&P 500 2126.06
-4.76
-0.22%
FTSE 100 7031.72
+18.25
+0.26%
NASDAQ 5089.36
-1.43
-0.03%
FTSE MIB 23781.78
+42.09
+0.18%
CAC 40 5142.89
-3.81
-0.07%
DAX 11815.01
-49.58
-0.42%
HANG SENG 27992.83
+469.11
+1.70%
Nikkei 225 20264.41
+61.54
+0.30%
S&P/ASX 100 4710.80
+0.70
+0.01%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.