Kina, e shqetësuar për aleancën SHBA-Australi
15/05/2012
Kina, e shqetësuar për aleancën SHBA-Australi
Kina ndihet e shqetësuar për rritjen e lidhjeve ushtarake mes Australisë dhe Shteteve të Bashkuara.

Lajmin e ka bërë të ditur ministri i Jashtëm australian, Bob Carr, në një prononcim për gazetarët gjatë një vizite në Pekin. Autoritetet kineze i kishin thënë atij se, “koha për aleanca të Luftës së Ftohtë ka kaluar prej kohësh”.

Së fundmi Shtetet e Bashkuara kanë nisur një kontigjent trupash drejt bazave të tyre në Australi, lëvizje kjo e konsideruar për t’i bërë presion Kinës.

Ditën e hënë, zoti Carr takoi homologun e tij Yang Jiechi, ndërkohë që gjatë së martës do të takohet me zv.kryeministrin Li Keqiang për të diskutuar mbi marrëveshjen për tregtinë e lirë Australi-Kinë.

Kina është partneri tregtar më i madh i Australisë dhe pothuajse çereku i eksporteve australiane shkon në Kinë. Por aleatja kryesore e Australisë për sigurinë është Amerika.

Muajin e kaluar kontigjenti i parë me marinsa amerikanë u pozicionua në Darvin, ndërkohë që brenda vitit 2017 Uashingtoni do të vendosë 2500 trupa në veri të Australisë.

Kjo është vizita e parë e zotit Carr në Kinë si ministër i Jashtëm. Ai mori detyrën e kryediplomatit pas largimit të Kevin Rudd, dy muaj më parë.

Zoti Carr deklaroi se tre takimet e nivelit të lartë ditën e hënë, përfshirë atë me zotin Yang, janë dominuar nga pyetje mbi aleancën në rritje të Australisë me SHBA.

“Në çdo rast ata ngritën çështjen e lidhjeve në fushën e mbrojtjes mes Shteteve të Bashkuara dhe Australisë”, shtoi shefi i diplomacisë australiane.


/ Top Channel
LAJME TE NGJASHME

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 139.4 140
USD 123.4 124
GBP 190 191
CHF 128 128.7
TREGJE DHE BURSA
N/A N/A
N/A
N/A
S&P 500 1988.87
+1.21
+0.06%
FTSE 100 6247.94
+55.91
+0.90%
NASDAQ 4828.32
+15.62
+0.32%
FTSE MIB 21993.74
-207.50
-0.93%
CAC 40 4675.13
+16.95
+0.36%
DAX 10298.53
-17.09
-0.17%
HANG SENG 21612.39
-226.15
-1.04%
Nikkei 225 19136.32
+561.88
+3.03%
S&P/ASX 100 4391.60
+23.80
+0.54%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.