Obama, asnjë koment për disidentin kinez
01/05/2012 08:15
Obama, asnjë koment për disidentin kinez
Presidenti amerikan Barack Obama ka refuzuar të komentojë ngjarjen në lidhje me Chen Guangcheng, disidenti kinez që thuhet se ndodhet në ambasadën amerikane në Pekin, pasi u arratis nga arresti i shtëpisë.

Zoti Obama tha në një konferencë për shtyp se ishte në dijeni të lajmeve të publikuara nga shtypi mbi këtë çështje, por nuk bëri asnjë koment në lidhje me të.

Hillary Clinton, e cila pritet të vizitojë Pekinin më vonë gjatë javës, refuzoi gjithashtu të bënte komente, por nënvizoi se me autoritetet kineze do të diskutojë për një sërë çështjesh.

Aktivistët deklarojnë se zoti Chen hyri në ambasadën amerikane në Pekin më herët gjatë muajit, pasi u arratis nga shtëpia e tij. Shtetet e Bashkuara dhe Kina janë në bisedime për fatin e tij.

Zëdhënësja e Departamentit të Shtetit, Victoria Nuland konfirmoi se një zyrtar i vjetër amerikan, Kurt Campbell, ka udhëtuar për në Pekin, por refuzoi të saktësonte nëse ai ishte nisur posaçërisht për këtë çështje.

Zoti Campbell, vizita e të cilit nuk ishte e programuar, mendohet se do të bisedojë mbi çështjen delikate me autoritetet kineze.

Korrespondenti i BBC në Uashington deklaron se një nga opsionet në tryezën e bisedimeve është që zoti Chen të shkojë në ekzil, por nga ana tjetër thuhet se ai nuk është i prerë për një gjë të tillë. Zonja Nuland tha se vizita e zotit Campbell ishte për të përgatitur vizitën e zonjës Clinton, ditën e mërkurë.

Si ajo ashtu edhe sekretari i Thesarit Timothy Geithner do të shkojnë në Pekin për dialogun vjetor strategjiko-ekonomik mes Shteteve të Bashkuara dhe Kinës, që këtë herë duket se do të mbulohet nga çështja e zotit Chen.
/ Top Channel



comments powered by Disqus

TË FUNDIT
VLERËSO KËTË LAJM

KRYESORET




LAJME TE NGJASHME




SONDAZH

Mendoni qe dhuna ne shkolla e mesueseve ndaj nxenesve eshte nje fenomen, apo ngjarje te shkeputura?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139.4 140
USD 124.3 125
GBP 186 186.5
CHF 103.9 104.1
TREGJE DHE BURSA
0.00
0.00
0.00%
NASDAQ 4757.879
+7.481
+0.16%
S&P 500 2051.82
-11.33
-0.55%
FTSE 100 6832.83
+36.20
+0.53%
FTSE MIB 20519.750
+50.010
+0.24%
CAC 40 4640.69
+87.89
+1.93%
DAX 10649.58
+213.96
+2.05%
HANG SENG 24850.449
+327.818
+1.34%
Nikkei 225 17511.75
+182.73
+1.05%
S&P/ASX 100 4593.000
+69.200
+1.53%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.