Kretë, e ëma vret fëmijën me autizëm
05/04/2012 01:40
Kretë, e ëma vret fëmijën me autizëm
Një ngjarje shokuese ka ndodhur në ishullin e Kretës. 35 vjecarja shqiptare, Elida Senja qëlloi për vdekje me thikë të bijën, një ngjarje rrethanat e së cilës janë ende misterioze.

Burime të policisë lokale thonë se 35 vjecarja që vuante nga depresioni, therri me thikë vogëlushen, e cila vuante nga autizmi, e më pas tentoi të vetëvritet duke prerë me të njëjtën armë damarët e qafës.

Askush prej fqinjëve të familjes shqiptare nuk dëgjoi asgjë, ndërsa dritë mbi rrethanat e tragjedisë pritet të hedhë autorja e krimit,e cila ndodhet në spital në gjëndje të rëndë shëndetësore.

Fqinjët e familjes Senja bëjnë fjalë për një familje që po kalonte një dramë të vërtetë psiqike, probleme të nisura që pas diagnostikimit të vogëlushes me autizëm.

Një ditë më parë, vajza kishte festuar ditëlindjen në një festë të vogël familjare dhe ndoshta mungesa e miqve të vogelushes në këtë festë, kanë qënë dhe shkaku i rëndimit të gjëndjes psiqike të nënës, cka kulmoi me ngjarjen shokuese.
/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.