Memaliaj, aksident me pasojë vdekjen
03/03/2012 09:35
Memaliaj, aksident me pasojë vdekjen
Një aksident rrugor me pasojë vdekjen e një personi është regjistruar në orët e para të mëngjesit të së shtunës në Memaliaj.

Sipas informacioneve të autoriteteve lokale, si pasojë e daljes së një automjeti nga rruga ka gjetur vdekjen shtetasi Xhino Goxhaj, 25 vjeç.

Ndërkohë, nga aksidenti ka mbetur i plagosur një tjetër person, shtetasi Blansi Seferi, që po udhëtonte bashkë me Goxhajn, në makinën e këtij të fundit.

Burime policore njoftojnë se nga mbikëqyrjet në vendin e ngjarjes ka rezultuar se shkak i aksidentit është bërë shpejtësia e lartë me të cilën po ecte automjeti.

Ngjarja në fjalë është ndër aksidentet e para të muajit mars, ndërkohë që në fund të muajit të kaluar një automjet me targë “AA 694 AL”, që drejtohej nga shtetasi Markeljan Cenolli, 30 vjeç, përplasi për vdekje një këmbësor.

Ngjarja ndodhi në aksin Lezhë-Shkodër, ku viktimë mbeti shtetasi Nikollë Preçi, 70 vjeç, nga fshati Balldren.

Shkak për aksidentin u bë ndërprerja e rrugës në mënyrë të menjëhershme dhe të pakujdesshme nga ana e 70-vjeçarit. Megjithatë, policia shoqëroi drejtuesin e automjetit për të sqaruar rrethanat.

Në të njëjtën formë humbi jetën më herët gjatë muajit të kaluar një 60-vjeçar në aksin automobilistik Superstradë-Laç, vetëm 2 km afër stacionit të trenit.

Një mjet tip “Benz” që drejtohej nga shtetasi Ndue Selala përplasi një person i cili ishte duke drejtuar një bicikletë. Viktima ishte shtetasi Agim Haka nga fshati Fushëkuqe i Kurbinit.

Haka ishte duke ecur me biçikletën e tij, ndërsa përplasja ishte shumë e rëndë dhe i shkaktoi atij vdekjen e menjëhershme.
/ Top Channel


LAJME TE NGJASHME

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 139.3 139.8
USD 127.2 128
GBP 198 198.7
CHF 131.5 132
TREGJE DHE BURSA
N/A N/A
N/A
N/A
S&P 500 2103.84
-4.79
-0.23%
FTSE 100 6696.28
+27.41
+0.41%
NASDAQ 5128.28
-0.50
-0.01%
FTSE MIB 23538.03
+141.94
+0.61%
CAC 40 5082.61
+36.19
+0.72%
DAX 11308.99
+51.84
+0.46%
HANG SENG 24636.28
+138.30
+0.56%
Nikkei 225 20585.24
+62.41
+0.30%
S&P/ASX 100 4761.80
+25.70
+0.54%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.