Filmi që zbulon sekretet e Navy Seal
29/10/2011 19:00
Filmi që zbulon sekretet e Navy Seal
Jeni kureshtarë të dini se si veprojnë komandot e njësisë ushtarake Navy Seal që vranë kryeterroristin Osama bin Laden?

Të gjithë të interesuarit duhet të presin edhe pak muaj, deri më 17 shkurt të vitit të ardhshëm, kur në kinema do të dalë filmi “Act of Valor”.

Filmi në fjalë, ku interpretojnë aktorët Alex Veadov dhe Rosalyn Sanchez, do të tregojë aktivitetet luftarake të komandove në det, tokë dhe ajër.

Të apasionuarit e filmave me luftë do të mund të shohin taktikat luftarake të komandove elitë, që punojnë në kushtet më të vështira, në xhungël, shkretëtirë, etj.

Ndërsa subjekti i filmit është ky: kur operacioni për shpëtimin e një agjenti të CIA-s con në zbulimin e një komploti terrorist kundër SHBA, njësia Navy Seal do të nisë një gjueti në të gjithë botën për të gjetur përgjegjësit.

Por përvec aksionit, filmi do të tregojë edhe jetën private të komandove, në vecanti problemet e tyre familjare duke qenë se janë gjithmonë larg. / Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.