Olldashi: Projekti i Qeverisë, i njëjtë me atë të Bashkisë
13/03/2011 13:50
Olldashi: Projekti i Qeverisë, i njëjtë me atë të Bashkisë
Ministri i Transporteve, Sokol Olldashi, ka sqaruar në një dalje për mediat projektin e qeverisë për Unazën e Madhe duke u shprehur se nuk e kupton shqetësimin e Bashkisë dhe Partisë Socialiste për faktin se ky projekt prek një pjesë të Kopshtit Botanik të Tiranës.

“Kemi filluar punimet për Unazën e Madhe të Tiranës duke mbajtur premtimin. Pas tentativave për të ndërmarrë një projekt të përbashkët me Bashkinë dhe duke marrë përgjigje negative, kemi filluar punimet”, u shpreh Olldashi.

“Shqetësimi që lidhet me Kopshtin Botanik të Tiranës është një përpjekje e PS dhe Bashkisë për të penguar këtë projekt. Unaza prek vetëm 10 metra vijë lineare, aq sa prekte edhe projekti i Bashkisë së Tiranës. Nuk ka ndryshim projekti jonë me atë të Bashkisë. Edhe në rast se Bashkia do e bënte projektin do të ishte e detyruar të prekte Kopshtin”, shtoi ministri i Transportit.

“Ne nuk i kemi hyrë kopshtit mes për mes, nuk preken ambjentet e serave dhe fidanishtes. Ky është i vetmi korridor i mundshëm sepse pjesët e tjera janë bllokuar nga pallatet që kanë marrë leje ndërtimi nga Edi Rama. Do të mundohemi të prekim sa më pak të jetë e mundur, por pallatet shumëkatëshe të Ramës nuk i lëvizim dot më”, përfundoi Olldasshi.



 

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.