Jo alkool teksa udhëtoni…por teksa lundroni!

Nuk bëhet fjalë për automjetet, por në Kanada, së shpejti njerëzit do të jenë në gjendje që të vozisin me varkën apo kanoen e tyre, ndërsa konsumojnë një birrë të ftohtë.

Aktualisht, vozitja në lumej apo liqene në gjendje të dehur ndëshkohet shumë ashpër në Kanada, e shkelësit mund të humbasin edhe pantentën e makinës.

Por deputetët kanadezë kanë nisur vlerësimin e një ligji, që përjashton nga kufizimi mjetet lundruese, që shtyhen vetëm nga forca e muskujve. Pra, nëse ligji miratohet, kushdo që vozit me kanoe, kajak, varkë me lopata dhe pedalon mund të pijë sa të dojë, ndërsa e bën këtë.

Vozitja është një aktivitet shumë i preferuar në Kanada, ku gjatë verës të paktën një e treta e popullsisë i përdor ato. Por gjithashtu mjaft problematik është edhe alkooli në këtë sektor, pasi është shkaktari i 40% të aksidenteve me varka.

Bordi kanadez i vozitjes së sigurtë e ka kundërshtuar ndryshimin e ligjit, pasi me qindra njerëz kanë humbur jetën, teksa vozisnin në gjendje të dehur. Por duket se, ndërsa bëhët gati të legalizojë marijuanën vitin e ardhshëm, qeveria kanadeze mendon se një birrë ndërsa shëtit me varkë nuk është asgjë e keqe.

Top Channel