Modifikimi i ADN që në embrion

Rezultati, i paralajmëruar nga media të shumta, u publikua zyrtarisht në revistën “Nature” nga universiteti shkencor i Oregonit dhe nga instituti Salk për studimet biologjike, në bashkëpunim me studiuesit kinezë e ata të Koresë së Jugut.

Bëhet fjalë për një hap me rëndësi të madhe shkencore. Pavarësisht se është ende larg zbatimit klinik, rezultati i hap rrugën parandalimit të 10 mijë sëmundjeve të trashëgueshme nga brezi në brez.

E megjithatë, eksperimenti ngre pikëpyetje serioze lidhur me atë që është moralisht e drejtë. Shkenca po përjeton një epokë të artë sa i përket modifikimit të ADN-së, kjo falë një teknologjie të re të quajtur “Crispr”, që mundëson ndërhyrjet gjenetike.

Studiuesit u fokusuan tek sëmundja e kardiomiopatisë hipetrofike që prek 1 në 500 persona dhe mund të çojë në arrestin e papritur kardiak.

Ajo shkaktohet nga një gabim në një gen të vetëm dhe kushdo që e ka, ka një shans prej 50 përqind për t’ja kaluar edhe fëmijëve.

Në studimin e përshkruar në revistën “Nature”, ndreqja gjenetike ndodhi gjatë ngjizjes. Sperma e një mashkulli të prekur nga sëmundja u injektua tek vezë të shëndetshme bashkë me tekniken “Crispr” për korrektimin e defektit. 72 përqind e embrioneve ishin të çliruar nga mutacionet që shkaktonin sëmundjen.

Top Channel