Neymar te PSG, reagon Messi
02/08/2017 00:00
Nottingham Forest nxjerr mbrojtësin në shitje, PSG-ja gati për “sulm” 19/04 09:29
Tashmë largimi i Neymar nga Barcelona duket i pashmangshëm. Ditën e sotme, Barcelona ka bërë të ditur se ka pranuar kërkesën e lojtarit për t’u larguar drejt PSG.
Për transferimin që do të thyejë të gjitha rekordet, ka reaguar edhe Lionel Messi. Argjentinasi me anë të një postimi në profilin e tij në “Instagram” ka përshëndetur yllin brazilian.
“Ishte kënaqësi e madhe të ndaja gjithë këto vite me ty miku im Neymar. Të uroj fat në fazën e re të jetës. Shihemi, të dua shumë”, u shpreh Messi.
Në fillim të javës së ardhshme pritet të mbyllet gjithçka dhe në arkat e Barcelonës do të futen 222 milionë euro, aq sa është edhe klauzola e Neymar.
Top Channel
