E ardhmja e Medel, larg Interit
06/07/2017 00:00
Artan Hoxha tregon të vërtetën e ankandit: Ja pse Tirana vlen 1.6 milion euro! Ka qenë në greminë për 14 vite 23/04 10:29
Gari Medel nuk bën pjesë në planet e trajnerit të ri të Interit, Luciano Spalleti dhe duket se do të largohet shumë shpejt nga Milano.
Zikaltrit janë duke vlerësuar ofertat e mbërritura në drejtim të tij, ku bien në sy ato të Trabzonspor, Tigres dhe Boca Juniors, ekip me të cilin Medel është aktivizuar për dy sezone, në vitet 2009-2011.
Presidenti i Beshiktash pretendon se ka arritur akordin me Interin, për transferimin e mesfushorit nga Kili dhe se ka filluar negociatat me vetë futbollistin.
“Kemi një akord me Interin, për blerjen e Gary Medel dhe vetëm prej pak orësh jemi futur në bisedime me futbollistin. Nuk mund të negocionim më herët, ëpr shkak të angazhimeve të Medel në Kupën e Konfederatave, me Kilin”, tha presidenti i klubit turk, Muharrem Usta.
Medel aktivizohet te Inter prej tre sezonesh dhe ka qenë një titullar i vazhdueshëm me thuajse të gjithë trajnerët që kanë drejtuar zikaltrit gjatë kësaj periudhe.
Top Channel
