Pas një karriere të gjatë si futbollist në disa skuadra të futbollit shqiptarë, por në vitet e fundit si kapiten i Skëndërbeut të suksesshëm, Bledi Shkëmbi ka filluar zyrtarisht aventurën si trajner.
Ai ka firmosur zyrtarisht me skuadrën e Ilirisë së Prizrenit një kontratë 1-vjeçare, duke hequr dorë si zëvendës trajnerë i kombëtare U-17.
“Ndihem shumë i emocionuar pasi pak kohë pasi lashë futbollin tani e gjej veten në pankinë. Ndihem gati për këtë aventurë të re dhe shpresoj që të bëj po aq mirë sa bëra kur isha futbollist”, thotë Shkëmbi.
Kjo skuadër është pak e njohur edhe nga vetë Shkëmbi, megjithatë në vitet e fundit ka luftuar për mbijetesën, ndërkohë që tashmë do të ketë një objektiv të ri.
“Në vitet e fundit ka luftuar për mbijetës, ndërkohë që objektivi i radhës do të jetë një nga 4 vendet e para”, shton ish-futbollisti.
Bledi Shkëmbi është duke shfrytëzuar njohjet e tij në futbollin tonë për të parë për përforcimet e mundshme. I pari përforcim është pjesë e stafit, Iris Selimi, përgatitësi atletik i Skëndërbeut, por edhe i Kombëtares Shpresa U-21.
Top Channel