F1, Wolff: Problemet e Mercedesit, ende për t’u zgjidhur
16/06/2017 00:00
Castellanos nuk mjafton, Milik vjen nga stoli dhe dërgon Juven në finale 23/04 22:58
Drejtuesi kryesor i Mercedesit, Toto Wolff ka thënë se ende ekzistojnë pikëpyetje mbi konfigurimin optimal të njëvendëshes gjermane, pavarësisht se dy makinat përfunduan në dy vendet e para në Çmimin e Madh të Kanadasë.
Kampionët e botës rikuperuan atë që u konsiderua si një performancë e dobët në Monako, një garë e rrallë ku Mercedesi nuk çoi asnjë nga dy pilotët e tij në podium, e duke i ngjitur Hamiltonin e Bottasin në vendet më të larta të podiumit në Kanada.
Wolff pranoi më vonë se ekipi ka punuar 24 orë në ditë në 7 ditë të javës, që pas disfatës në Principatë, për të zgjidhur problemin me temperaturën optimale të gomave, që ka sjellë një kthesë thuajse 180 gradë në performancën e fundit. Por Wolff refuzon të thotë se, vetëm me këtë performancë të mirë, skuderia ia ka hedhur paq.
Edhe pse rezultatet duken të rëndësishme në letër, përpjekjet e Mercedesit u ndihmuan disi edhe nga gabimi i Sebastian Vettel, që e bëri atë të humbiste shumë vende pas nisjes, sikurse edhe nga tërheqja e Max Verstappen nga vendi i dytë qysh në xhirot e para.
Top Channel
