Rodos, zjarr në anijen qipriote me 32 persona në bord
15/06/2017 00:00
Srebrenica do të riemërtojë rrugët, injoron gjenocidin, kritikët: Tentim i radhës për ta fshirë historinë e mizorisë 15/04 19:10
Një zjarr i madh ka rënë në anijen e transportit “Med Star” me flamur të Qipros, dy milje në veriperëndim të Rodosit, në Egjeun Juglindor, kur ajo sapo ka dalë nga porti i ishullit.
Zjarri ka rënë në dhomën e motorëve të anijes nga shkaqe ende të panjohura, e është përhapur me shpejtësi të madhe pas orës 10 të mbrëmjes.
Anija ka pasur si ngarkesë automjete të vogla dhe kamionë, me destinacion ishullin e Santorinit. Në bordin e saj ndodheshin 32 persona, prej të cilëve 20 janë detyruar ta braktisin, kurse 12 të tjerë po ndihmojnë në fikjen e zjarrit që duket se ka shkaktuar dëme të mëdha.
Nëse nuk do të mund ta vendosin nën kontroll, ata kanë marrë urdhër të largohen.
Në operacion po marrin pjesë, përveç 3 anijeve të vogla të Marinës Detare greke, edhe 4 varka të ndërhyrjeve të rasteve speciale, si dhe mjete nga ajri.
Për incidentin është njoftuar Ministria e Marinës Detare dhe ka nisur një proces hetimi.
Top Channel
