Robben: Po mendoj tërheqjen nga futbolli

Në një intervistë për revistën gjermane “Kicker”, holandezi theksoi se tashmë ka filluar të mendojë për atë çfarë do të bëjë kur të mbyllë karrierën e tij nga futbolli i luajtur. Futbollisti i Bayern Munchen nuk e theksoi se kur do të jetë dita që ai do të tërhiqet nga futbolli i luajtur, por nuk përjashtohet mundësia që kjo të ndodhë në verën e vitit 2018.

“E vërteta është se karrierës sime po i vjen fundi. Çdo ditë e më shumë po mendoj të ardhmen time jashtë fushave të lojës. Në këtë moment jam i qetë dhe nuk e di se çfarë do të ndodhë në vitin 2018. Jam i përqendruar tek situata ime aktuale këtu”, tha Robben.

Një gjë është e sigurt, Robben nuk ka ndërmend të tërhiqet nga futbolli si lojtar i Bayern, por si i Groningenit, klubi ku ai nisi karrierën dhe me të cilin ka ruajtur lidhje të forta.

Top Channel