Taylor Swift duhet të shkundet. Ylli i popit ka rënë nga numri 1 në të 49 në klasifikimin e përvitshëm të vipave të pasur të revistës Forbes, pasi fitimet e saj ranë me 126 milionë dollarë në një vit.

Swift kryesonte listën në 2016 me 170 milionë dollarë fitime nga turi i saj i suksesshëm botëror, ndërsa ajo mori edhe shumë medalje. Kjo rënie erdhi edhe për shkak të arsyeve të saj personale, përveç atyre profesionale.

Këngëtarja 27-vjeçare pushtoi titujt kryesorë me romancën e saj me aktorin Tom Hiddleston dhe përplasjet me Kanye Ëest e bashkëshorten e tij Kim Kardashian, si edhe me rivalen e saj të popit Katy Perry.

Ajo po ashtu la pas shpine edhe ndarjen me DJ e njohur Calvin Harris. Pa një turne vitin e kaluar, fitimet e Sëift ranë me 74 përqind dhe siç vlerësohet nga Forbes, në periudhën 1 qershor 2016 – 1 qershor 2017, ishin 44 milionë dollarë.

Reperi Sean Diddy Combs u rendit në krye të listës së të pasurve për 2017 me fitime vjetore prej 130 milionë dollarësh, kjo kryesisht për shkak të turneut të ribashkimit të Bad Voy Family, linjës së tij të veshjeve Sean John dhe partnershipit me Ciroc Vodka.

Beyonce ndodhet në vendin e dytë me 105 milionë dollarë të fituara vitin e shkuar, falë albumit të saj Lemonade dhe turit botëror, ndërsa autorja e Harry Potter, JK Rowling, është rikthyer në treshen e parë falë filmit të radhës. Rikthimi i novelistes në listën që përfshin vipat më të paguar në një periudhë 12 mujore, vjen dy javë para 20-vjetorit të librit të parë të saj të serisë së magjishme, Harry Poter dhe Guri i Filozofit.

Në listë po ashtu gjenden edhe ColdPlay, me 88 milionë dollarë fitime, Adele me 69 milionë dollarë, Elton John me 60 milionë dollarë etj.

Top Channel