Kosovë, votojnë edhe serbët. Gjuriç, në Mitrovicë
11/06/2017 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Zgjedhjet janë duke u zhvilluar edhe në veriun e Kosovës. Vendvotimet u hapën që në mëngjes dhe nuk pati incidente. Votuesit serbë në veri kanë mundësi të votojnë në shumë qendra votimi, e për herë të parë zgjedhjet organizohen tërësisht nga KQZ-ja dhe jo nga OSBE-ja, si më parë.
Në veri të Kosovës ka qëndruar edhe shefi i Zyrës së qeverisë serbe për Kosovën, Marko Gjuriç, i cili i konsideroi zgjedhjet si të krahinës jugore të Serbisë. Për dallim nga herët e tjera, kur bëheshin thirrje për bojkot, tani ftoi për pjesëmarrje masive.
“Vetëm Lista Serbe mund të ruajë lidhjen e pandashme mes institucioneve serbe, serbëve dhe pranisë së Serbisë në Kosovë, por edhe të ndalojë formimin e ushtrisë së Kosovës ndaj duhet votuar”, tha Marko Gjuriç.
Serbët që garojnë të ndarë në 6 lista kanë akuzuar njëri-tjetrin për shantazh gjatë fushatës. Beogradi mbështet vetëm Listën Serbe, e njohur si grupim politik i krijuar për të mbledhur të gjithë udhëheqësit serbë.
Zgjedhjet janë zhvilluar me forca shtesë policie në qytetin e Leposaviçit.
Top Channel
