Izrael-Shqipëri, arbitri Kulbakov gjykon sfidën
07/06/2017 00:00
Artan Hoxha tregon të vërtetën e ankandit: Ja pse Tirana vlen 1.6 milion euro! Ka qenë në greminë për 14 vite 23/04 10:29
Izrael-Shqipëri është një betejë direkte për vendin e tretë në grupin G të Eliminatoreve për Botërorin 2018, një sfidë të cilën FIFA ka vendosur që të jetë në duart e një arbitri bjellorus.
Aleksei Kulbakov do të vendosë drejtësinë në sfidën e kësaj të diele në stadiumin e Haifas, që sheh të avantazhuar vendasit e trajnerit Elisha Levi përballë skuadrës kuqezi të trajnerit Gianni De Biasi.
38-vjeçari Kulbakov është arbitri i vetëm bjellorus i licencuar për ndeshjet e nivelit të lartë të UEFA-s si finalet e turneve apo grupet e Champions apo Europa League. Ai e ka nisur karrierën në moshën 16-vjeçare dhe fitoi të drejtën për të gjykuar ndeshje ndërkombëtare në moshën 25 vjeç, që është dhe minimumi i pranuar nga FIFA.
Ndeshja mes Izraelit dhe Shqipërisë do të luhet të dielën në orën 20:45 në stadiumin e Haifas. Impianti Sami Ofer është një kryevepër arkitektonike me mundësinë për të mbajtur brenda 30 mijë e 870 tifozë të ulur, një kapacitet që zgjerohet dukshëm në raste eventesh masive. Ndërtimi i stadiumit të Haifas ka kushtuar 530 milionë euro.
Top Channel
