“Kur luante Butrinti”, ceremoni përkujtimore e Butrintit në volejboll
31/05/2017 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Saranda ka përkujtuar në një ceremoni të veçantë historinë e volejbollit të qytetit bregdetar ndër vite, duke shfaqur dokumentarin “Kur luante Butrinti”.
Të pranishëm në këtë aktivitet ishin emra të rëndësishëm të skuadrës së Butrintit, familjarët e tyre dhe autoritetet lokale.
Skenaristi dhe autori i këtij dokumentari, Xhorxhi Vasili solli në vëmendje të pjesëmarrësve rëndësinë që ka e kaluara e këtij sporti, që sipas tij mund t’i shërbejë ringritjes së ekipeve të reja, duke nisur me sportin në shkolla.
Më pas, fjalën e morën volejbollistë veteranë, që sollën kujtimet dhe mbresat e tyre nga ato vite. Ngjarjen e përshëndeti edhe kryetarja e Bashkisë së Sarandës, Florjana Koka, e cila shprehu mirënjohjen për vlerën që i kanë dhënë qytetit këta sportistë të shkëlqyer.
Ceremonia u mbyll me shpërndarjen e medaljeve dhe certifikatave të mirënjohjes për trajnerët e ekipeve të të rinjve, ish-trajnerë e volejbollistë që nuk jetojnë më.
Top Channel
