Vonesa në konferencat e shtypit, Conte qeras gazetarët
26/05/2017 00:00
Përpikmëria nuk ka qenë arma e fortë e Antonio Contes gjatë daljes për gazetarët sportive përgjatë gjithë Premier Ligës.
E për këtë, trajneri i kampionëve të sapo shpallur të Anglisë pagoi “haraçin”.
I kritikuar shpesh nga gazetarët për vonesat në daljet për mediat, Conte u tha në një rast se do t’i qeraste me një drektë në shenjë ndjese për këtë.
Dhe fjala e dhënë duhet mbajtur. Conte i ofroi një grupi gazetarësh një drekë para se të niste konferencën që i paraprin ndeshjes me Arsenalin në finalen e FA Cup.
Sa për informacion…edhe në këtë konferencë, trajneri italian u shfaq me vonesë.
Top Channel