Atentat ish-kryeministrit grek. I shpërthen zarfi bombë në duar
25/05/2017 00:00
“Kryetarët në veri largohen vetëm përmes votimeve, jo bandave”, Kurti: Nuk hyhet në zyrë me bomba e armë 19/04 12:47
Ish-kryeministri grek, Lucas Papademos u plagos si pasojë e një shpërthimi në makinën e tij, ndërsa udhëtonte përmes Athinës.
Mediet greke raportojnë se shpërthimi u shkaktua nga një zarf bombë. 69-vjeçari Papademos dhe shoferi i tij kanë pësuar plagë në këmbë dhe trup, si dhe djegie të lehta, por burime mjekësore raportojnë se nuk janë në rrezik për jetën.
Papademos është shtruar në Spitalin “Evangelismos”, ku është vizituar nga shumë figura të politikës greke. Policia, ndërkohë, ka nisur hetimet për të zbardhur ngjarjen, por ende nuk ka detaje se kush mund të jetë përgjegjës.
Në të shkuarën, grupi terrorist grek “Celulat e zjarrit” ka kryer sulme të ngjashme me letra bombë.
Mediet greke raportojnë se, kryeministri grek Alexis Tsipras, i cili gjendet në Bruksel për Samitin e NATO-s, është informuar për situatën.
Papademos shërbeu si kryeministër i Greqisë nga nëntori 2011 deri në maj 2012, mes trazirave ekonomike dhe politike. Ai ka punuar gjithashtu si zëvëndespresident i Bankës Qendrore Europiane.
Top Channel
