Ishujt kinezë, Trump “provokon” Kinën
25/05/2017 00:00
Lufa në Rripin e Gazës/ Spanja dhe Sllovenia: Krijimi i një shteti palestinez, zgjidhja për qëndrueshmërinë në rajon 16/04 22:49
Një luftanije amerikane ka lundruar shumë pranë ishullit artificial të ndërtuar nga Pekini në detin e Kinës së Jugut, e para sfidë që i bëhet pretendimeve kineze për ujërat në fjalë, që kur Donald Trump u vendos në krye të Shtëpisë së Bardhë.
Burime të cituara nga mediet amerikane pohojnë se, anija “USS Dewey” kaloi vetëm 12 milje detare larg barrierës “Mischief”.
Pekini e konsideron të tijin thuajse të gjithë detin e Kinës Lindore, përfshirë këtu edhe ishujt e barrierat koralore të tij, që pretendohen ndërkohë edhe nga shtete të tjera në rajon.
Shtetet e Bashkuara këmbëngulin se kanë çdo të drejtë t’i vazhdojnë operacionet e tyre në ujërat ndërkombëtare.
Uashingtoni thotë se nuk mban asnjë anë në mosmarrëveshjet territoriale, por në të kaluarën ka dërguar anije luftarake dhe avionë në afërsi të ishujve në fjalë, duke i quajtur ato “operacione të lëvizjes së lirë”, me qëllim sigurimin e qasjes në rrugët kryesore detare dhe ato ajrore.
Ai ka qenë vazhdimisht kritik ndaj atyre që i sheh si përpjekje të Pekinit për të kufizuar lirinë e lundrimit në ujërat strategjike.
Top Channel
