Flynn refuzon Senatin përmes Amendamentit të Pestë
22/05/2017 00:00
Arrestohet zv.ministri i Mbrojtjes së Rusisë, dyshohet për mitmarrje 23/04 22:29
Michael Flynn do të shfrytëzojë të drejtën që i njeh Amendamenti i Pestë i Kushtetutës së Shteteve të Bashkuara për të refuzuar Senatin për dorëzimin e dosjeve që lidhen me hetimet për ndërhyrjen e Rusisë në zgjedhjet presidenciale të vitit të vjeshtës së shkuar.
Sipas këtij amendamenti, një i person i hetuar në një çështje kriminale mund të refuzojë të dëshmojë kundër vetes së tij.
Dokumentet kërkohen nga Komisioni për Çështjet e Zbulimit në Senatin amerikan si pjesë e hetimeve që po kryen. Më parë, Flynn ka kërkuar imunitet ndaj këtyre hetimeve.
Hetimi i senatorëve është vetëm njëri mes disa hetimeve që po kryhen njëkohësisht në lidhje me bashkëpunimin e mundshëm të stafit të fushatës së Donald Trump dhe Rusisë, ku dyshimet janë se Moska u përpoq të favorizojë kandidatin republikan në zgjedhje.
Flynn u shkarkua nga posti i këshilltarit të sigurisë në muajin shkurt pasi u provua se nuk kishte treguar të vërtetën për zv.Presidentin Mike Pence në lidhje me kontaktet e tij me ambasadorin rus në Uashington, kontakte të realizuara pak kohë para inaugurimit të Trump si President.
Top Channel
