F1, zërat e merkatos e duan te Ferrari. Verstappen: Besnik Red Bullit
19/05/2017 00:00
Castellanos nuk mjafton, Milik vjen nga stoli dhe dërgon Juven në finale 23/04 22:58
Red Bull nuk po paraqitet në këtë sezon të Formulës 1 në të njëjtin nivel me vitin 2016, pasi rolin e rivales së Mercedesit, tashmë e ka marrë Ferrari.
Kjo ka bërë që të shtohen zërat e merkatos rreth talentit të skuadrës austriake, Max Verstappen, emri i të cilit është lidhur javët e fundit pikërisht me atë të “kokëkuqes” italiane.
Por Verstappen, për momentin duket se nuk ka ndërmend ta braktisë Red Bullin dhe këtë, ai e pohon në një intervistë për CNN.
“Red Bull është një skuadër e mirë dhe unë kam raporte të mira me anëtarët e saj. Por unë dua gjithashtu edhe të fitoj. Në këtë moment them se kam një kontratë me këtë skuadër, e cila më dha mundësinë që të jem pjesë e Formulës 1. Kështu që preferoj të ruaj besnikërinë ndaj saj”, tha Verstappen.
Top Channel
