Europiani i Peshëngritjes do të zhvillohet në Durrës

“Nga data 15 deri në 22 tetor, në Shqipëri do të Kampionati Europian i Peshëngritjes për të rinj. Ky aktivitet kaq i rëndësishëm zhvillohet në qytetin e Durrësit. Ne garantojmë që akomodimi i sportistëve të rinj, akomodimi i tyre, sallat e stërvitjes dhe pallati i sportit të Durrësit do të jenë në dispozicion të”, tha Elez Gjoza, president i Federatës së Peshëngritjes.

Ndërkohë, Antonio Urso thekson edhe një herë mbështetjen që i ka dhënë vendit tonë për aktivitete të tilla duke e konsideruar madje Shqipërinë si shtëpinë e tij.

“Europiani i të rinjve në peshëngritje do të mbahet në Shqipëri për të tretën herë. Jemi të sigurt që do të jetë sukses i madh dhe duam të përfitojmë për të bërë aktivitete të tjera në mënyrë që të zhvillojmë kulturën sportive, që është thelbësore për zhvillimin e çdo kombi”, u shpreh Antonio Urso, presidenti i Federatës Europiane të Peshëngritjes.

Urso ka mbërritur në Tiranë edhe në kuadrin e një fushate elektorale duke qenë se kandidon për postin e presidentit të Federatës Botërore të Peshëngritjes. Ndërkohë në mbyllje të takimit presidenti Gjoza theksoi se kishin mbërritur përgjigjet e antidopingut për Europianin e Kroacisë, ku peshëngritësit tanë kishin rezultuar negativ.

Top Channel