Kukësi konfirmon kreun; Zona e rënies, shtohen skenarët
15/05/2017 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Kukësi rikonfirmoi kryesimin e Kategorisë Superiore me suksesin 3-1 ndaj Korabit që e çon në kuotën e 72 pikëve, më shumë se çdo rival tjetër në kampionat.
Përballë dibranëve pa asnjë motivim dhe të rënë nga Liga prej javësh, verilindorët u surprizuan kur e panë veten në disavantazh me golin e Kaloshit, por shpejt përmbysën gjithçka.
Bomberi kroat Pero Pejiç tundi 3 herë rrjetën e Korabit duke zhvlerësuar gjithçka shpresonin dibranët, një prej golave të Kukësit erdhi përmes një penalltie.
Ndërkohë në fundin e renditjes janë shtuar skenarët dhe ekipet që rrezikojnë rënien. Laçi fitoi 3-0 ndaj Vllaznisë duke iu larguar përkohësisht vijës së kuqe. Për kurbinasit vlejtën penalltia e Vuçaj dhe golat e Qaqi dhe Mensah.
Në stadiumin e Gjirokastrës u regjistrua barazim mes polemikash 1-1 mes Luftëtarit dhe Teutës.
Për 85 minuta nuk u pa asnjë gol deri kur Ramadani tundi rrjetën me një penallti për vendasit. Por në minutën e 5 shtesë Bangal fiksoi barazimin me një gol për Teutën.
Në fundin e sfidës pati protesta ndaj arbitrit dhe tension mes lojtarëve në fushë, por fatmirësisht u evitua konfrontimi fizik.
Top Channel
