Trump, plan për shkarkimin e Comey që ditën e zgjedhjes
10/05/2017 00:00
Tmerri jashtë gjyqit të Trump-it, ndërron jetë 37-vjeçari që i vuri flakën vetes (Foto) 20/04 09:47
Burime nga stafi i presidentit amerikan Donald Trump deklaruan të mërkurën se presidenti kishte menduar ta shkarkonte drejtorin e FBI-së, James Comey që kur u zgjodh president.
Zëdhënësja e Shtëpisë së Bardhë, Sarah Huckabee Sanders tha për mediat se, ka patur një “lëkundje besimi” tek zoti Comey përgjatë vitit të fundit, pas disa hapave të gabuara të marra prej tij.
Comey po drejtonte një hetim mbi dyshimet për ndërhyrjen ruse në zgjedhje. Demokratët në Kongresin dhe Senatin amerikan deklaruan se kjo ishte arsyeja e vërtetë përse Trump e lëvizi nga detyra ditën e martë.
Nga ana e tij, ish-shefi i FBI-së deklaroi se shkarkimin e kishte mësuar nga televizori, teksa po drejtonte një mbledhje me agjentët e zyrës së Byrosë në Los Anxheles.
Top Channel
