Vinicius, “telenovelë” gjyqësore te Reali i Madridit
10/05/2017 00:00
“Të lutem nuk jam mirë”, nëna del nga Policia e Durrësit me 3-vjeçarin në krah 20/04 15:04
Blerja e Vinicius nga Reali i Madridit mund të shndërrohet në një telenovelë me karakter gjyqësor. Klubi madrilen pranoi të paguajë 61 milionë euro për futbollistin 16-vejçar, që vetëm një ditë më parë u bë pjesë e skuadrës së parë të Flamengos.
Sipas asaj që publikohet tek e përditshmja “AS”, pika e konfliktit është shuma që Reali ka pranuar t’i paguajë Flamengos për kartonin e futbollistit.
Kompania “Time Forte Eventos”, që administron akademinë e klubit brazilian, ka të drejtë të përfitojë 10% nga vlera e shitjes së çdo futbollisti që është nën moshën 23 vjeç dhe që ka qenë pjesë e akademisë së Flamengos.
Duke u bazuar te kjo e dhënë, rezulton se kësaj kompanie duhet t’i jepen 4.5 milionë euro nga 45 milionët që u dhanë për kartonin e futbollistit, ndërkohë që pjesa e mbetur prej 16 milionësh është dhënë në formën e komisioneve.
Bashkëpunimi mes Flamengos dhe “Time Forte Eventos” ka nisur prej 15 vitesh, duke u rinovuar në 2011-n. Vinicius ka qenë pjesë e akademisë së kësaj skuadre dhe kompania tashmë ka kërkuar detajet e këtij operacioni për të mësuar shifrën financiare që i takon të arkëtojë.
Drejtuesit e Flamengos nuk i kanë dhënë asnjë përgjigje, pasi sipas “AS”, shpresojnë që të gjejnë një hapësirë ligjiore në kontratë që t’u lejojë evitimin e pagesës së kësaj shume.
Top Channel
