Revolucioni i Argjentinës së Sampaolit. Rikthehet Icardi?

Problemet me shkëputjen nga kontrata me Sevilla do të marrin fund përmes pagesës së një grushti parash, e kështu argjentinasi do të finalizojë ëndrrën e drejtimit të përfaqësueses së vendlindjes, duke ndryshuar dhe shumë elementë.

Sampaoli ka disa lojtarë nën vëzhgim, por me ardhjen e tij, këtë verë pritet të përfshihet sërish në kombëtare Mauro Icardi, sulmuesi i Interit që deri më sot ka qenë i përjashtuar për çështje private dhe aspak me atë që ndodh në fushë. Presioni i fortë i mediave, që e kërkojnë rikthimin prej kohësh, do t’i lejojë kthimin te “Seleccion”.

Kështu Icardi, që akuzohet se i vodhi gruan dhe familjen sulmuesit Maxi Lopez, do të luajë me fanellën e Argjentinës, të cilën e ka provuar vetëm një herë. Ai luajti për 8 minuta në tetor të vitit 2013 ndaj Uruguajit. Por nuk është vetëm kjo risi potenciale nën drejtimin e Sampaolit.

Pritet të luajë gjithashtu në Argjentinën e ardhshme edhe Leandro Paredes, që do të rinovojë një mesfushë problematike dhe do të shtyjë në largimin e Biglia dhe Mascherano.

Të vëzhguar specialë, prej muajsh janë edhe Ansaldi që luan me Interin, dhe Gomez, protagonist absolut me Atalantën. Në kombëtaren e re nuk do të bëjnë pjesë Lavezzi, Otamendi apo dhe Sergio Aguero. Sidoqoftë, rinovimi i Argjentinës do të jetë gradual, i ndikuar edhe nga ndeshjet delikate që do të përcaktojnë kualifikimin në Botërorin “Rusi 2018”.

Top Channel