“Acrush”, banda që po çmend kinezët

Por vajzat, që duken si djem, kanë tërhequr mbi 750 mijë ndjekës në rrjetin social “Weibo”, që përpara se muzika e tyre të dilte në treg.

Drejtuesja e grupit, 21-vjeçarja Lu Keran nga provinca lindore e Xhiansusë, thotë se është ndierë gjithmonë rehat me veshjet “unisex”, edhe pse ndonjëherë vazhdon të sillet si femër.

“Kam edhe disa rroba rozë dhe them se kjo është e natyrshme. Por që të jem e sinqertë, më tërheqin shumë veshjet ‘unisex’, sepse ndihem më e lirshme me to. Aty nuk ka kufizime. Më pëlqen shumë”, tha Lu Keran, lidere e grupit “Acrush”.

Menaxheri Zhou Xiaobai shpjegon se shkronja “A” në emrin e grupit është një referencë ndaj hyut Adonis, i cili personifikonte në mitologjinë greke bukurinë mashkullore.

Njerëzit, – sipas tij, – duhet të shohin rininë, talentin dhe bukurinë tek “Acrush”, e jo ta mbërthejnë atë nën stampën e gjinisë.

Grupet muzikore të vajzave në Kinë, aktualisht po ndikohen shumë nga stili japonez dhe ai korean i muzikës Pop, ku mbizotëron imazhi i femrës së ëmbël apo sensuale. Kjo nuk është sidoqoftë, hera e parë që agjentët kinezë të muzikës zbulojnë talente, të cilat veprojnë si neutrale në raport me gjininë. Në vitin 2005 bëri bujë të madhe në vend këngëtarja Li Yuchun, e cila preferonte të dukej si djalë.

Top Channel