Kupa, Tirana-Skënderbeu në finale
19/04/2017 00:00
CEO i Leverkusen: Ndoshta një ditë Alonso do drejtojë ndonjë nga skuadrat që e duan, por tani është i lumtur këtu! 16/04 13:49
Finalja e Kupës së Shqipërisë në futboll do të diskutohet mes Skënderbeut dhe Tiranës.
Trofeu i dytë për nga rëndësia në futbollin tonë zbuloi ekipet që mbërrijnë në përballjen e fundit të turneut pas gjysmëfinaleve që nuk rezervuan surpriza si në stadiumin Niko Dovana në Durrës, ashtu edhe në Selman Stërmasi në kryeqytet.
Tirana mundi 2-0 Besëlidhjen duke ndërprerë në momentin më të bukur ëndrrën e lezhjanëve për një finale historike. Bardheblutë morën fillimisht avantazhin me penalltinë e konvertuar në gol nga Taku, e më pas siguruan kualifikimin me një devijim në rrjetë të Hoxhallarit brenda zonës. Sfida e parë ishte mbyllur 1-1.
Skënderbeu mori fitoren e dytë ndaj Teutës këtë herë në transfertë, pasi ndëshkoi bregdetarët me një gol të Liridon Latifit. Suksesi minimal i korçarëve kombinuar me fitoren e njëjtë në ndeshjen e parë, i çon në finalen e Kupës.
Top Channel
