Assadit po i vjen fundi! Tillerson: Rusia të zgjedhë mes nesh dhe Sirisë

“Rusia duhet të zgjedhë kur vjen fjala për Sirinë, nëse do të qëndrojë me Shtetet e Bashkuara dhe vendet e tjera, të cilat ndajnë të njëjtin qëndrim me to, apo në të kundërt do të qëndrojë me Assadin, Iranin dhe Hezbollahun”, tha Tillerson.

Takimi u mbyll me bindjen se nuk do të ketë zgjidhje të konfliktit të zgjatur sirian, për sa kohë Assadi vazhdon të mbetet në pushtet, siç e tha qartë shefi i diplomacisë franceze, Jean-Marc Ayrault.

Por vendet e grupit të G7-s nuk arritën dot një marrëveshjen për sanksione të reja kundër Moskës dhe Damaskut. Propozimi britanik, që parashikonte shënjestrimin e krerëve të lartë ushtarakë të këtyre dy vendeve, në masë të madhe u anashkalua.

Ministrat i mëshuan nevojës së një procesi politik, i cili të zgjidhë krizën siriane. Kryediplomati italian, Angelino Alfano e vler?soi pozitivisht kthimin e SHBA-ve n? bashk?sin? e partnereve t? NATO-s dhe gjetjen e nj? harmonie t? re.

Qëndrimin e Tillersonit e lavdëroi edhe gjermani Sigmar Gabriel.

“Personalisht jam shumë i kënaqur që Sekretari amerikan i Shtetit, Rex Tillerson mori këtu një pozicion realist dhe mjaft të qartë. Ne e mbështesim plotësisht përpjekjen që do të bëjë ai në Moskë, për t’i shtyrë rusët të pranojnë këtë proces politik dhe ta përkrahin atë në mënyrë aktive”, tha Sigmar Gabriel, ministër i Jashtëm i Gjermanisë.

Tillerson do të zhvillojë të mërkurën takime në Moskë me udhëheqësit rusë. Vizita e tij vjen në mes të një përshkallëzimi të tensioneve prej sulmeve ajrore në Siri.

Top Channel