Tokio, nis lulëzimi i qershive
04/04/2017 00:00
Studim/ Zbuloni sa fëmijë duhet të keni që të jeni të lumtur 24/04 08:20
Frenezia e çeljes së luleve të qershive në Tokio ka nisur të martën, ndërsa banorët dhe turistët mbushën parqet që ishin dekoruar me lulet e bardha dhe rozë.
Dhjetëra e mijëra njerëz u endën në rrugicat e parkut “Ueno” të Tokios, duke bërë fotografi në mesin e shpërthimit floral që sinjalizon pranverën.
Për shumëkënd, “Hanami” në japonisht, apo shikimi i çeljes së qershive, jo vetëm përbën një mundësi për t’u ulur dhe për të bërë një piknik, por edhe për të zënë miq të ri. Është po ashtu edhe kulmi i sezonit të turistëve.
Sipas Ministrisë japoneze të Turizmit, numri i turistëve ka arritur kulmin në prill të vitit të kaluar, pikërisht për shkak të popullaritetit të lulëzimit të qershive.
Parashikimi i luleve të qershive merret seriozisht nga parashikuesit e motit në televizione, të cilët koleksionojnë vëzhgime të lulëzimit të qershive nga 10 mijë pemët në vend.
Zakonisht në Japoni, lulëzimi i qershive koinçidon me hapjen e shkollave, ndërsa lulet e vogla ngjyrë rozë simbolizojnë fillime të reja.
Top Channel
