PPE: Ballkani, në BE. Faktorë të huaj po ndërhyjnë

Bashkimi Europian nuk duhet të ngecë në lodhjen nga zgjerimi, por ta mbajë të gjallë frymën pro tij në shtetet ballkanike, duke ua mbështetur dëshirën për anëtarësim.

Ky ishte mesazhi i rezolutës së miratuar javën që shkoi në Maltë, gjatë Kongresit të Partive Popullore Europiane “PPE”, ndonëse u bë sërish e qartë se përmbushja e kritereve politike të Kopenhagenit dhe angazhimi për ruajtjen e marrëdhënieve të fqinjësisë së mirë mbeten thelbësore në përpjekjet e aderimit.

Kryeministri kroat, Andrej Plenkoviç këmbëngul se rritja e ndikimit të huaj në Ballkan, sidomos në Lindje dhe në Jug të tij, në një nivel politik dhe financiar, tregon sesa i nevojshëm është forcimi i angazhimit të BE-së për të balancuar një kërcënim të tillë.

“Nëse ngurrojmë tani, – ishte komenti i tij, – nëse shfaqemi të avashtë në afrimin e këtyre vendeve, të jeni të sigurtë se të tjerët nuk do të hezistojnë dhe do t’i largojnë ata nga blloku”.

Kroacia, anëtarja më e re e BE-së është zotuar ta ndihmojë fqinjen e saj, Bosnje-Hercegovinën, të ecë në hapat e saj dhe t’i bashkohet BE-së sa më shpejt që të jetë e mundur.

“EURACTIV” citon kryeministrin hungarez, Viktor Orban, të deklarojë se BE-ja gjendet përballë një krize të politikës së jashtme me Ukrainën e destabilizuar në njërën anë, dhe Ballkanin që vlon në anën tjetër.

Top Channel