Kina ndalon mjekrën dhe velon islamike në rajonin ujgur
01/04/2017 00:00
Pas procesit që u zvarrit për 7 vite, Gjykata në Itali hedh poshtë akuzat ndaj anijeve të shpëtimit 20/04 08:45
Qeveria në Kinë ka publikuar një sërë masash të reja kufizuese në rajonin veri-perëndimor Xinjiang, në kuadër të fushatës kundër ekstremizmit islamik.
Masat në fjalë, sikurse raporton BBC në edicionin e saj online, përfshijnë edhe ndalimin e mjekrës së gjatë për meshkujt, velon në vendet publike nga femrat dhe refuzimin për të parë televizionin shtetëror.
Xinjiang është vendi i ujgurëve, etni turkofone me besim islamik, të cilët denoncojnë diskriminimin që bëhet ndaj tyre.
Vitet e fundit në këtë rajon janë verifikuar përplasje të përgjakshme. Nga ana e saj, qeveria kineze akuzon militantët islamikë dhe separatistët për aktet e dhunës.
Por OJQ-të për të drejtat e njeriut deklarojnë se, përleshjet janë një reagim ndaj politikave represive të Pekinit e që së bashku me masat e reja mund të çojnë ujgurët drejt ekstremizmit.
Top Channel
