Hamilton ka kritika për F1: Parakalimet të vështira

Kjo ishte një nga surprizat që dhuroi gara hapëse e sezonit, e me shumë gjasa do ta pasojnë të tjera në kalendarin e Formula 1.

Protagonisti i Mercedes ka kritikuar rregullat e reja të garave, pasi mori vetëm pikët e rezervuara për vendin e dytë.

Sipas Luis Hamilton që e nisi garën në Pole Position, janë bërë akoma më të vështira parakalimet në pistë.

Piloti me ngjyrë i qëndroi pretendimeve se Ferrari është mes favoritëve, por tregoi shqetësim sesa të ndjeshme janë bërë makinat nga turbulencat, duke u destabilizuar.

“Nuk dua të gënjej, edhe sepse nuk jam shumë i mirë për ta fshehur, por dua tju them se Ferrari tregoi që ishte vërtetë i shpejtë, madje me gomat ultra të buta ishte në një paraqitje fantastike. Forca ime e vërtetë ishte deri në fundin e garës, por atëherë ishte shumë vonë për të fituar, pasi për mua Formula 1 është bërë më keq sesa e kisha parashikuar edhe publikisht. Shpresoj që gjërat të ndryshojnë garën e ardhshme dhe të ketë më tepër beteja me makinat pranë, pasi tani po garojnë vetëm strategjitë dhe pit stopet”, tha Hamilton

Top Channel