Arbëreshët presin Kombëtaren
24/03/2017 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Prej rreth 500 vitesh shqiptarët janë spostuar në këtë pjesë të Sicilisë, në Piana Degli Albanesi, që sot është një komunitet prej rreth 13 mijë arbëreshësh.
Traditat tona dhe gjuhën e gjen në çdo vend në këtë komunë, nga tabelat e rrugëve deri tek këngët në gjuhën shqipe që ruhen me fanatizëm
Kreu i Bashkisë së Piana Degli Albanesi, Vito Scalia tregon për Top Channel për komunitetin e qytetit të tij dhe se si funksionon kjo Shqipëri e Vogël.
“Mirë se na erdhët! Ne jemi të gëzuar. Kjo është një pjesë e Shqipërisë në tokën italiane, në tokën siciliane. Janë një sërë traditash që i kemi ruajtur. Janë këto kostumet tradicionale që kanë ngjashmëri me ato tuajat. Përveç kësaj kemi një raport 500 vjeçar, të cilin e kemi ruajtur dhe në dekadat e fundit. Shpresoj që ai të përforcohet akoma më shumë në këtë moment historik”, shprehet Vito Scalia, kreu i bashkisë Piana degli Albanesi.
Pranë arbëreshëve shkuan drejtuesit më të lartë të futbollit shqiptar, të cilët takuan edhe kryetari i Bashkisë kanë shkëmbyer dhuratat e rastit përpara disa tifozëve të pranishëm në këtë komunë.
“Kam dy muaj që e kam prerë me gjithë familjen. Në fshatin këtu janë të gjithë tifozë të Shqipërisë. 8 mijë banorë flasin shqip dhe nuk bëjnë tifo për Italinë, por Shqipërinë”, shprehet një arbëresh me një shqipe të rrjedhshme.
Top Channel
