SHBA, politikat për emigracionin godasin turizmin

Këshilli Botëror për Udhëtimet dhe Turizmin parashikon për këtë sektor një rritje prej 2.3 për qind, 0.5 për qind më pak krahasuar me vitin e kaluar, krahasuar me të cilin turistët në Shtetet e Bashkuara do të shpenzojnë 0.6 për qind më pak.

Për turizmin amerikan bëhet fjalë për një goditje të rëndë, pasi rëniet e llogaritura janë të barazvlefshme me 1.500 miliardë dollarë, ose 8.1 për qind e GDP-së.

“Ndalimi i ardhjeve nga 6 vendet me shumicë myslimane i ka dërguar një mesazh të qartë pjesës tjetër të botës: ‘Shtetet e Bashkuara nuk janë të hapura për biznes dhe do të jenë më pak mikpritëse’”, ka deklaruar kryetari i KBUT, David Scowill.

Sipas të dhënave të organizmit të specializuar në fushën e turizmit, sinjalet për një kontraktim të sektorit janë të dukshme që tani, me prenotimet e biletave ajrore që kanë rënë me 6.5 për qind në javët që pasuan urdhërin e parë të ndalimit të ardhjeve nga 7 vendet me shumicë myslimane. Në urdhërin e dytë u përjashtuar një prej tyre.

Top Channel