Kundër Shqipërisë në sulm dyshja e 38 golave
06/03/2017 00:00
Legjenda e Dortmundit, gati të kthehet me post të rëndësishëm: Nëse do të nevojitet ndihma ime… 18/04 08:20
Si të mos mjaftonte koeficienti i lartë i vështirësisë me një pretendente që e hasim që në fazën eliminatore, kombëtarja shqiptare e futbollit do të detyrohet të bëjë llogaritë me një prej dysheve sulmuese më profilike në ligat europiane.
Në 24 Mars kuqezinjtë do të zhvillojnë ndeshjen e radhës kualifikuese në botëror, këtë herë në transfertë ndaj Italisë në stadiumin e Palermos.
Trajneri i të kaltërve, Xhampiero Ventura ka ndjekur jo pa krenari dy sulmuesit më në formë të momentit që po lulëzojnë në serinë A, njëri me fanellën e Torinos dhe tjetri me Lacion. Beloti dhe Imobile bëjnë bashkë 38 gola këtë sezon si asnjë kombëtare tjetër europiane, e me këto statistika së bashku me mungesat në mbrojtje, transferta e Shqipërisë bëhet mision i pamundur.
Beloti me 22 gola në serinë A po përjeton sezonin më të mirë të karrierës aq sa të shtyjë presidentin e Torinos ti vendosë 100 milionë Euro si klauzolë largimi.
Ndërkohë Imobile me 16 rrjeta te bardhekaltërit po e tërheq Lacion drejt vendit të katërt duke shënuar nga java në javë. Të dy këta lojtarë janë testuar më parë bashkë me fanellën Granata dhe në eliminatore me nga 3 gola secili, ndaj Maqedonsië dhe Lihtenshtejnit. Me të gjitha ata gjasat do ta nisin edhe nga minuta e parë ndaj kuqezinjve në 24 Mars në Palermo.
Top Channel
