ATP Acapulco, eliminohet Novak Djokovic
03/03/2017 00:00
“Roma e meritoi kualifikimin”, Pioli i sinqertë 19/04 10:01
Turneu i Acapulcos shënon surprizën më të madhe. Novak Djokovic i dha lamutimirën këtij aktiviteti dhe ai që e eliminoi numrin 2 të botës ishte Nick Kyrgios, që e fitoi ndeshjen me rezultatin 2-0 me sete, 7-6;7-5.
Tenisti australian ishte në ditën e tij më të mirë, sidomos përsa i përket shërbimit duke shënuar 25 ace në këtë sfidë për të mos i lënë asnjë mundësi Djokovic të vendosë diktatin e tij.
Setin e parë, Kyrgios e fitoi me tiebreak, ndërkohë që në të dytin arriti të fitopjë të vetmin game të ndeshjes me shërbimet e Djokiovic për ta mbyllur atë 7-5.
Në gjysmëfinale Kyrgios do të përballet me amerikanin Sam Querrey që mposhti Dominic Thiem 2-0.
Shumë më të lehtë e pati Rafael nadal për të qenë mes 4 më të mirëve të Turneut të Acapulcos. Tenisti spanjoll eliminoi në çerekfinale japonezin Nishioka duke e fituar ndeshjen me të 2-0.
Seti i parë ishte i rivalizuar dhe Nadal e fitoi atë me tiebreak 7-6. Në setin e dytë 30 vjecari u pa më superior ndaj kundërshtarit të tij, duke e mbyllur këtë fraksion 6-3.
Kundërshtari i Nadal në gjysmëfinale do të jetë Marin Cilic, i cili nuk e zhvilloi sfidën e tij me steve Johnson me amerikanin që u tërhoq për arsyë dëmtimi.
Top Channel
