NBA, San Antonio mposht Lakersat e Johnsonit
27/02/2017 00:00
Luajnë në Premier League, kush janë dy 19-vjeçarët të akuzuar për përdhunim? 24/04 11:07
San Antonio Spurs pushton “Staples Center”, teksa mposhti Los Angeles Lakers në ndeshjen e radhës në NBA, 119-98.
Kjo ishte ndeshja e parë që skuadra kaliforniane e luajti në parketin e saj, që nga dita kur Magic Johnson u bë pjesë e bordit drejtues të saj.
Për teksanët, kjo është fitorja e 8 radhazi ndaj Lakers dhe ai që spikati më shumë për ta ishte i zakonshmi Leonard me 25 pikë, ndërkohë që dhanë kontributin e tyre në këtë sukses të Spursave edhe Aldridge e Pau Gasol, që shënuan respektivisht 16 dhe 15 pikë.
Oklahoma City mposhti New Orleans 118-110 për të regjistruar fitoren e saj të 34-t sezonale. Fillimi i sfidës ishte më i mirë për Pelicans, që fitouan periodën e parë 35-32.
Më pas gjithçka foli për Oklahomën, që dominoi 3 periodat e tjera të kësaj sfide. Russell Westbrooke nuk zhgënjeu as këtë radhë, duke e mbyllur sfidën me 41 pikë, 11 topa në tabelë dhe 11 asiste.
Në ndeshjet e tjera të NBA-së, Boston fitoi me Destroit 104-98, Toronto mundi Portland 112-106, ndërsa Denver humbi me Memphis Grizzlies me rezultatin 98-105.
Top Channel
