Disiplina, Partizani e Laçi do të luajnë pa tifozë
23/02/2017 00:00
Everton fiton derbin dhe nxjerr Liverpoolin nga gara e titullit, United triumf me përmbysje 24/04 23:21
Komisioni i Disiplinës në Federatën Shqiptare të Futbollit vendosi të dënojë me një ndeshje pa tifozë skuadrën e Partizanit, në sfidën e radhës që do të luajë si ekip pritës.
Në arsyetimin e KDS-së sqarohet se, skuadra kryeqytetase sanksionohet për sjelle të gabuar të spektatorëve duke përdorur mjete ndezëse, duke hedhur sende brenda rrethimit të fushës, e duke përdorur fjalor ofendues ndaj kundërshtarit.
Si rrjedhojë, ndeshja që “demat e kuq” do të luajnë kundër Flamurtarit do të jetë pa praninë e tifozëve.
Më keq e pësoi skuadra e Laçit, e cila lufton për mbijetesë në Kategorinë Superiore. Ekipi kurbinas dënohet me dy ndeshje pa spektatorë në stadiumin e tij, për sjellje të gabuar të tifozëve duke hedhur sende të forta brenda rrethimit të fushës, fatmirësisht pa shkaktuar akte dhune apo ndërprerje të lojës.
Top Channel
