Operacion kombëtar anti-kanabis; Policia në kërkim të farave
23/02/2017 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Ndryshe nga vitet e kaluara, puna për goditjen e fenomenit të kultivimit të kanabisit, ka nisur shumë më herët këtë vit.
Prej 2 ditësh, me urdhër të ministrit të brendshëm Saimir Tahiri në mbarë vendin ka nisur një operacion masiv për kontrollin e territorit. Mbi 3 mijë forca policore kanë ushtruar kontrolle në sera dhe zona të thella, ku dyshohet se kultivohen kubikët e hashashit.
Top Channel ndoqi nga afër aksionin e forcave të komisariatit nr 6 të kryeqytetit në fshatrat Ndroq dhe Pezë.
Përveç serave, kontrolle janë ushtruar edhe në ish-depot e ushtrisë, tunele dhe banesa të braktisura. Në planin e veprimit është përfshirë edhe shërbimi për çështjet e brendshme dhe ankesave.
Inspektorët e kësaj strukture po monitorojnë nga afër zbatimin e planit të masave ndërsa porosi e veçantë u është lënë edhe policisë kufitare dhe doganave, pasi koha e aksionit përkon me periudhën kur policia ka informacione, se në vend mund të trafikohen nga jashtë sasi të mëdha të farave të kanabisit.
Urdhri i ministrit të Brendshëm, parashikon kontrolle të vazhdueshme, pasi këtë vit, synohet që kultivimi i kanabisit të luftohet që në fazat e para.
Kontrollet do vijojnë edhe në ambiente të hapura, apo banesa, mbi bazën e informacioneve që po grumbullon policia.
Top Channel
