Tiranë, grabitet një pikë këmbimi valutor
23/02/2017 00:00
Një pikë këmbimi valutor është grabitur në zonën e Laprakës natën e kaluar. Policia njofton se janë grabitur 1.2 milionë lekë, 3000 dollarë amerikanë dhe 1000 dollarë kanadezë.
Pika e këmbimit valutor që u grabit është në pronësi të shtetasit me iniciale L.B., në rrugën “Lord Bajron”.
Gjithashtu, policia nisi procedimin penal për dy punonjës të shoqërisë së sigurimit, të cilët neglizhuan 3 herë alarmin në pikën që u grabit.
Po punohet për identifikimin dhe kapjen e autorëve të grabitjes.
Top Channel